Reali i Madridit dhuroi spektakël në sfidën e javës së 4-t të La Ligas ndaj Celta Vigos, ndeshje që e fitoi me përmbysje me shifrat 5-2. Pas një pjese të parë ku e pa veten dy herë në disavantazh me golat e Santi Minas dhe Cervit ndërkohë që barazoi përkohësisht Benzema, Reali ishte thjeshtë i papërmbajtshëm në pjesën e dytë ku realizuan me radhë sërish Benzema, Vinicius Jr, debutuesi Camavinga dhe në fund sërish Benzema. Me këtë fitore, e treta në këtë sezon, skuadra e Ancelottit iu bashkua Valencias dhe Atleticos së Madridit, në krye të renditjes në kuotën e 10 pikëve.
