Connect with us

Hi, what are you looking for?

La Liga

Reali larg formës së vitit të kaluar, Zidane me sytë nga merkato

Me situatën e komplikuar në La Liga dhe vendin e dytë në Champions, Realin e presin muaj tepër impenjativë dhe në fakt trajneri Zinedine Zidane lë hapur derën për përforcime në merkaton e janarit.

Sipas të përditshmes spanjolle “AS”, kur është pyetur për “dritaren” e janarit në merkato, trajneri francez është përgjigjur thatë: Gjithçka mund të ndodhë. Duke pasur parasysh ndeshjet e deritanishme, skuadra duhet të përforcohet si në portë, ashtu edhe në fazën sulmuese.

Dëmtimi i portierit titullar Keylor Navas i krijoi mundësinë gardianit tjetër, Kiko Casilla, që për hir të së vërtetës nuk duket shumë i sigurt mes shtyllave, kështu që vëmendja e drejtuesve madrilenë është zhvendosur drejt 23-vjeçarit bask, Kepa Arrizabalaga. Titullar i padiskutueshëm, portieri i Bilbaos, i cili ka refuzuar për të rinovuar kontratën me “luanët”, është i vlefshëm edhe në Champions League, por mbi të gjitha pas debutimit me përfaqësuesen e Lopetegui-t, me shumë gjasa Arrizabalaga do të grumbullohet edhe për seleksionin që do të përfaqësojë Spanjën në Kupën e Botës.

Në mbrojtje Jesus Vallejo ka prekur fushën për vetëm 269 minuta dhe nuk ka debutuar akoma në Champions, kështu që një alternativë shumë e mirë mund të jetë qendërmbrojtësi holandez i Lazios, Stefan De Vrij, që mund të bëjë që të mos ndihet mungesa e Pepes, por gjithashtu, afrimi i tij do t’i jepte mundësi për t’u çlodhur dyshes Sergio Ramos-Varane, megjithëse mbrojtësi francez duket shumë i tunduar nga ofertat joshëse të Mancesterit të Jose Mourinho-s.

Ndërkaq, problemet më të mëdha në këto 3 muaj, Reali i ka hasur në fazën sulmuese dhe pas largimit të Moratës te Çelsi dhe Mariano Diazit te Lyoni, synohen lojtarë kalibri si Alexis Sanchez ose Aubameyang, ndërsa plani B mund të jetë për zgjedhje të tilla si Timo Werner apo Anthony Martial.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...