Reali Madridit i mbyll derën Juventusit. Sipas asaj që raportojnë mediat spanjolle, klubi “Los Blancos” i ka thënë jo, ofertës prej 75 milionë Euro, të bërë nga ana e bardhezinjve për mesfushorin, Mateo Kovacic. Tekniku i Realit, Zinedine Zidane, e cilëson kroatin si të pashitshëm, pasi beson shumë te aftësitë e tij. Pavarësisht shumës së ofruar, drejtuesit e klubit dhe trajneri kanë qënë të vendosur në përgjigjen e tyre. Dy sezonet e para për 23-vjecarin me fanellën e klubit merenges nuk kanë qënë nga më të mirat.
Në 74 paraqitje vetëm tre gola të realizuar dhe shumë pak minuta në dispozicion, por mesa duket tashmë Kovacic ka fituar besimin e Zidane, një gjë të tillë e verteton dhe aktivizimi i tij si titullarë në dy takimet e finales së Super Kupës së Spanjës kundër Barcelonës. Për 23-vjecarin duket se ka ardhur momenti i tij, fakti që ai konsiderohet si i pashitshëm nuk lë vend për dyshime. Transferimi i Kovacic nga Interi te Reali i Madridit, i kushoti arkave të kampionëve të spanjës 35 milionë Euro. Ndërkohë nga ana tjetër kroatit nuk i ngelet gjë tjetër vecse tia shpërblejë besimin e dhënë trajnerit Zidane.
