Manchester United po bën çmos për ta mbajtur në skuadër, por nga ana tjetër Reali i Madridit nuk heq dorë nga mesfushori francez Paul Pogba i cili është objektivi kryesor i Los Blancos në repartin e ndërmjetëm. Vetë lojtari dëshiron largimin nga United dhe kjo është arsyeja kryesore që Reali po këmbëngul për të. Sipas mediave angleze, drejtuesit e Realit e kanë bërë ofertën e parë në drejtim të Manchester United për kampionin e botës e cila kap shifrën e 90 milionë sterlinave, rreth 100 milionë euro. Megjithatë vështirë se kjo ofertë do të pranohet nga klubi anglez pasi te United për të lënë të lirë Pogba, kërkojnë plot 150 milionë euro.
