Juventusi mirëpret Danilon. Mbrojtësi brazilian ka mbrritur në aeroportin e Caselles në Torino në orën 18:15 të kësaj të marte. Tashmë shkëmbimi me Joao Cancelon është kryer me Juventusin që përveç se ka marrë brazilianin Danilo ka fituar edhe 28 milionë euro nga ky operacion merkatoje. Këtë të mërkurë në orën 8:30 të mëngjesit ish-mbrojtësi i Realit të Madridit do t’u nënshtrohet vizitave mjekësore, ndërsa vetëm disa orë më pas do të firmosë kontratën 4-vjeçare me bardhezinjtë me një pagë prej 4 milionë euro plus bonuset në sezon.
