Ashtu siç ishte paralajmëruar është zhvilluar sot tryeza e përbashkët mes Federatës Shqiptare të Futbollit, Qeverisë Shqiptare dhe Presidentëve të klubeve shqiptare të futbollit, për të diskutuar rreth problematikave në sport. Ai që ka folur i pari ishte Presidenti i FSHF-së, Armand Duka, i cili në fjalën e tij ka renditur disa nga problematikat në sport.
Të gjitha këto duhet të minimizohen apo ndalohen. Këto kërkojnë ndryshime në kodin penal, agresorët duhet të ndjiejnë peshën e ligjit me masa parandaluese apo ndëshkuese. Për të ardhur në ditën që policia nuk nevojitet më në stadiume. Klubet e kanë të pamundur financiarisht koston për policinë private”-tha ndër të tjera Armand Duka.
Më tej ai propozoi edhe disa pika, të cilat sipas Armand Dukës, do të përmirësonim zhvillimin e sportit në vend. Ai renditi ndër to formalizmin e klubeve dhe krijimin e lehtësirave fiskale.
“Prania në këtë takim e Kryeminsitrit, tregon se jemi të ndërgjegjshëm dhe njëzëri për rëndësinë e futbollit. Ai lartëson emrin e një vendi në mbarë botë. Fshf ka hartuar në vitin 2016 një paketë ligjore, të cilat ne besojmë se do ti japin një zhvillim futbollit shqiptar”-tha ndër të tjera Duka, duke renditur pikat:
- Nevoja e formalizimit të klubeve profesioniste, duke hequr Tatim-Fitimin për pagat etj.
- Lehtësi Fiskale duke bërë zero TVSH-në për investime në sport.
- Ndryshime në ligjin për Sponsorizimin në Sport.
- Terrenet sportive ti kalojnë në pronësi klubeve sportive pa shpërblim financiar.
- Për çdo investim në terrene sportive, qeveria të marrë pjesë me 50 % të vlerës së investimit.
- Nëse do ketë kompani bastesh në të ardhmen, një përqindje e fitimit të tyre të shkojë për sportin.
- Ndryshimi për ligjin për sport, duke nisur me ndërhyrjen edhe në kodin penal.
Ai ka folur më tej edhe për rritjen e bashkëpunimit mes Prokurorisë, me qëllim që të shmangen rastet e trukimit të ndeshjeve.
“Kështu do ketë rezultate të ndjeshme për rritjen e cilësisë sportive. Ka nevojë për ndërhyrjen për Prokurorinë e Përgjithshme, që nuk i është përgjigjur deri më sot ftesës së FSHF-së, siç është trukimi i ndeshjeve. Modernizimi kalon nëpërmjet investimeve duke pasur stadiume më të mira. Kjo bën që pjesëmarrja e spektatorëve të jetë më e mirë. Problemet në futbollin shqiptar nuk janë probleme vetëm të sportit”-tha ndër të tjera, Armand Duka.
