Redon Xhixha është fituesi i “Topit të Artë” për kampionatin shqiptar. Sulmuesi i cili mbylli vitin 2022 me Tiranën është votuar si më i miri i vitit që lamë pas nga trajnerët dhe kapitenët e skuadrave të Abissnet Superiores.
Redon Xhixha
24-vjeçari ishte një nga lojtarët më të rëndësishëm që formacionit të Tiranës, duke kontribuar maksimalisht me golat e tij në fitimin e titullit kampion.
Në vitin 2022, Xhixha shënoi 23 gola në kampionat, kupë dhe ndeshjet ndërkombëtare, po aq sa dhe Xhuljano Skuka, i cili u rendit i dyti nga votat e marra, ndërkohë në vendin e tretë u rendit Mentor Mazrekaj i Laçit.
Lexo edhe
- Redon Xhixha në vitin perfekt, fiton “Topin e Artë” të kampionatit shqiptar
- Armand Duka: Futbolli i bashkon të gjithë, na pret një vit edhe më sfidues
- Formacioni më i mirë/ Nga Bekaj te Skuka, zgjidhen “yjet” e vitit 2022
- Orges Shehi “Trajneri i Vitit”, fiton garën me Mirel Josën dhe Shpëtim Duron
- Arbitri i vitit 2022, nderohet 32-vjeçari nga kryeqyteti
- Këpuca e Artë, sulmuesi nga Mali “mund” futbollistin e kombëtares shqiptare
- Simon Simoni “Talenti i Vitit”: Në Shqipëri ka mjaftueshëm talente
- Talentja e vitit 2022, një 16-vjeçare merr çmimin e parë të mbrëmjes
- Megi Doçi dominuese absolute, fiton “Këpucën e Artë” për femra me “lumë” golash
Xhixha e mbyll vitin 2022 në mënyrë të jashtëzakonshme pasi vetëm pak ditë më parë u transferua tek ekipi i Qarabag. Nga Azerbajxhani, në pamundësi për të qenë në Tiranë, 24-vjeçari është shprehur shumë i lumtur për këtë çmim prestigjoz.
“Është një emocion jashtëzakonisht i madh për mua që jam vlerësuar me këtë çmim. Ndihem keq që nuk jam sonte në sallë me ju që ta tërheq vetë këtë çmim, por para pak ditësh finalizova transferimin tim te Qarabag dhe e kam të pamundur të jem aty. Dua të falënderoj familjen time dhe ekipin e Tiranës ku dola kampion. Dua të them që futbolli shqiptar është një vitrinë e mirë për të bërë një hap të rëndësishëm në karrierë në ekipet e njohura europiane. Mbrëmje të bukur të gjithëve dhe ia kalofshi sa më mirë”, deklaroi Xhixha.
Sulmuesi kurbinas u ftua dhe nga kombëtarja shqiptare në dy ndeshjet miqësore me Arabinë Saudite dhe Katarin, ku bëri mirë, pavarësisht se nuk arriti dot që të shënonte.
