Përforcimi i parë i Milanit do të vijë nga Bundesliga. Bëhet fjalë për Daichi Kamada, i cili pas katër sezoneve tek Eintracht Frankfurt është gati të hedhë hapin e madh në karrierë.
Japonezi del lojtar i lirë në verë dhe e ardhmja e tij lidhet me kuqezinjtë e Stefano Piolit. Kamada po priste kualifikimin zyrtar të “Djallit” në Champions League.
Gazetari gjerman i Sport1, Patrick Berger e cilëson të kryer kalimin e 26-vjeçarit te Milani. Kamada, i cili ka refuzuar Atletico Madrid dhe Borussia Dortmund, do të firmosë kontratë 5-vjeçare me klubin italian. Me 3 milionë euro neto pagë sezonale.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- VIDEO/ 11 tituj radhazi, Bayerni fiton më të bukurin! Dortmundi në lot
- Receta e fitores? Guardiola: Pushim, restorante dhe golf! Këtë javë e ka radhën United, pastaj Inter
- Titulli me PSG i shton vlerat Messit, argjentinasi barazon Dani Alves dhe lë pas Ronaldon
Një “xhol” ofensiv për Piolin, pasi lojtari aziatik luan si mesfushor i avancuar, por bën mirë edhe rolin e sulmuesit të dytë. Ndërkohë që mund të aktivizohet edhe si qendërmesfushor kur e nevojshme.
Kamada numëron 28 ndeshje dhe 6 gola me kombëtaren e Japonise. Gjatë këtij sezoni me Eintrachtin, ai gjeti 16 herë rrugën e rrjetës, teksa dhuroi shtatë asiste për shokët e skuadrës.
