Pasi refuzoi ofertën e Manchester United, duke kompromentuar transferimin e Lukakut drejt Torinos, Paulo Dybala ka nisur stërvitjen me bardhezinjtë, nën urdhrat e Maurizio Sarrit, por kjo nuk do të thotë se e ardhmja e tij do të jetë të kampionët e Serisë A.
Përkundrazi, sikurse njoftojnë mediet franceze, Nedved dhe Paritici nuk e kanë braktisur idenë për ta larguar argjentinasin, për të cilin ka interesim serioz nga PSG. Sipas televizionit Canal+, klubi francez ka gati ofertë prej 60 milionë eurosh, shumë që do të rregullonte bilancin e bardhezinjve.
Duke rritur fuqinë likuidese, atëherë Juventusi do të hidhej në sulmin përfundimtar për të siguruar një mes Lukakut, Icardit dhe Pogbasë.
Shitja e Dybalas te PSG do të kishte efekt domino. Parizienët, të detyruar për të rregulluar bilancin do të lejonin largimin e Neymarit te Barcelona. Në fakt, drejtuesit e PSG-së mësohet se ia kanë ofruar “yllin” brazilian Manchester United në formë huazimi, vetëm për të rrëzuar mundësinë që ai të riveshë fanellën “blaugrana”, por “Djajtë e Kuq” e kanë hedhur poshtë këtë mundësi.