Ish sulmuesi i Laçit dhe një nga golshënuesit më të mirë të Kategorisë Superiore, Reginaldo i është bashkuar Kukësit. Sulmuesi 28-vjeçar ka nënshkruar një kontratë një vjeçare me veri-lindorët, të cilëve do t’u bashkohet vetëm ditën e hënë.
Mbetet për t’u verifikuar gjendja e tij fizike, por vështirë se do të përdoret në takimin e parë të turit eliminator të Ligës së Kampionëve, kundër Karabakut.
Reginaldo kishte zgjuar interesin e disa skuadrave, mes të cilave edhe Skënderbeu që kërkonte t’i besonte pikërisht 29-vjeçarit vendin e lënë bosh nga Sowe.
Gjithsesi tani Kukësi do të ketë një alternativë më shumë veç Plakut dhe Harba në vijën e sulmit, për të zëvendësuar vendin e lënë bosh nga Sindrit Guri, që u transferua te Oostende në Belgjikë.