Mbërritja e Mourinhos dhe suksesi historik në “Air Albania”, në finalen e Conference League duket se e ka ndezur më shumë pasionin e tifozëve të Romës për të ndjekur skuadrën e zemrës. Numri i abonimeve për kampionatin e ardhshëm në dy fazat e shitjes ka arritur në 36 mijë, diçka qe nuk kishte ndodhur prej 18 vjetësh.
Në vitit 2004 ka qenë hera e fundit kur janë bërë më shumë se 30 mijë bileta sezonale. Këtë vit, pas 18 majit, janë shitur mesatarisht rreth 630 abonime ditore. Një moment historik mbresëlënës, në vazhdën e pasionit të ndezur të tifozëve sezonin e kaluar. Për të mos folur për netët magjike të Conference League (kulmoi në Tiranë), ku verdhekuqtë kanë ndërtuar themelet e suksesit evropian.
Roma, sezonin e ardhshëm, do të ketë në çdo ndeshje shtëpiake stadiumin gjysmë plot të garantuar nga abonimet. 40% e abonentëve janë nën 25 vjeç
