Azeta Alkmaar vazhdon të jetë klubi i prekur në Europë nga COVID-19. Pas 13 rasteve pozitive me koronavirus para ndeshjes ndaj Napolit, te skuadra holandeze sëfundmi janë infektuar edhe dy futbollistë të tjerë duke e çuar në 15 numrin e lojtarëve të prekur.Pavarësisht gjendjes së vështirë dhe mungesave të shumta, AZ ia doli të fitonte 0-1 në “San Paolo” kundër ekipit të Gennaro Gattusos ndërsa në fundjavë në Eredivisie barazoi me rezultatin 2-2 në transfertën ndaj ADO Den Haag. Me anë të një komunikate zyrtare, klubi tulipan njofton infektimin e dy lojtarëve të tjerë. Numri i pjesëtarëve pozitivë ka shkuar në 15, teksa mësohet se shumica e futbollistëve që ndodhen në karantinë, nuk kanë fare simptoma.
