Që kur Rafael Nadal u rendit në “top-10” në botë më 25 prill 2005, ai kurrë nuk ka zbritur poshtë 10 vendeve të para në renditjen ATP.
Tashmë janë bërë plot 890 javë resht që tenisti spanjoll është pjesë e më të mirëve që numërohen me gishtat e duarve, një rekord që do të zgjasë në kohë dhe që do të jetë i vështirë për t’u thyer.
Në mesin e tenistëve aktivë, Aleksandër Zverev është i dyti në atë klasifikim me 250 javë. Megjithatë gjermani do të dalë së shpejti nga “top-10”, pasi është ende i dëmtuar në kyçin e këmbës dhe do të humbasë 360 pikët e gjysmëfinales së Masters 1000 Paris-Bercy, 500 të turneut të Vjenës dhe 1300 të turneut të Torinos.
Nadal, numri dy i botës, planifikon të rishfaqet nga 31 tetori në Bercy TMS. Në pjesën e fundit të sezonit ai mund të shtojë pikë.
Carlos Alcaraz tani është mes më të mirëve për 25 javë, që nga 25 prilli i kaluar, një ditë pasi u kurorëzua në “Barcelona Open Banc Sabadell”.