Fitoret e Napolit, Juventusit dhe Romës, në ndeshet e Champions League, shoqëruar me humbjet e skuadrave gjermane si Bayern, Borusia dhe Leipzig, kanë sjellë edhe një rokadë në renditjen e federatave europiane të futbollit.
Kështu Italia i ka marrë vendin e tretë Gjermanisë, për herë të parë që nga 2010-a, kur Interi fitonte tripletën dhe është rreth 2000 pikë më pak se Anglia e vendit të dytë, ndërsa renditja kryesohet nga Spanja.
Kjo renditje përcakton edhe numrin e ekipeve të çdo lige, që do të marrin pjesë në kompeticionet europiane dhe me formatin e ri të Champions League, katër të parat në renditje dërgojnë 4 ekipe në Champions. Me formatin e mëparshëm, vetëm tre të parat dërgonin nga katër ekipe në Champions dhe këtë e vuajti Italia, që kur u parakalua nga Gjermania në 2011-ën.
