Një shpërqendrim në minutën e 3-të shtesë i kushtoi shtrenjtë skuadrës së Rennes në përballjen me PSG-në në “Parc des Princes”. Deri në ato momente ekipi i drejtuar nga Bruno Genesios ia kishte dalë jo vetëm të mos pësonte gol, por edhe t’i hapte jo pak telashe skuadrës së Pochettinos.
Heroi i PSG ishte i zakonshmi Kylian Mbappe, që tregoi klasin e tij pas një pasimi të marrë nga Messi në një moment kundërsulmi të vendësve.
Më herët, më konkretisht në minutën e 65-të, telenti francez kishte mundur ta dërgonte topin në rrjetë, por sistemi VAR e anuloi për pozicion jashtë loje.
Sa u përket statistikave, edhe pse PSG dominoi në kontrollin e topit me 63%, Rennes pati më shumë tentativa drejt portës, plor 13 herë. Ishte thjesht e pafat që pësoi atëherë kur u mendua se gjithçka do të mbyllej pa gola.