Ylli i NBA-së, Chris Paul raportohet se ka blerë një rezidencë në Houston, e cila ka aq shumë tualete sa mund të përballojë një ushtri të vogël, me plot 14 të tilla. Paul bleu rezidencën prej 1800 metrash katrorë në Spring të Texas-it, 48 kilometra larg “Toyota Center”, stadiumit ku zhvillon ndeshjet skuadra e Huoston Rockets.
Basketbollisti ia kishte vënë syrin prej shumë kohësh dhe më në fund e bëri të tijën, për rreth 8 milionë dollarë. Përveç 14 tualeteve, rezidenca ka edhe 9 dhoma gjumi, 6 garazhe dhe një fushë golfi të dedikuar. Paul raportohet që të ketë fituar më shumë se 186 milionë dollarë gjatë karrierës së tij në NBA.