Piloti australian i Red Bull, Daniel Ricciardo përmbylli një fundjavë fantastike në Montecarlo, duke arritur të triumfojë në një garë aspak të lehtë.
Ricciardo tregoi se do të ishte pretendenti kryesor për të fituar në këtë pistë, pasi që në provat e para të lira ishte dominues, ndërsa arriti edhe Pole position-in, duke vendosur rekord.
Menjëherë pas tij përfundoi piloti gjerman i Ferrarit, Sebastian Vettel, që menaxhoi mirë një garë, ku në shumicën e kohës pati aps vetes britanikun Lewis Hamilton. Ky i fundit e mbylli garën në vendin e tretë, i ndjekur nga Raikkonen dhe shoku i tij i skuadrës, Valteri Bottas.
Kur janë zhvilluar 6 gara, kryesimin për pilotë e mban Lewis Hamilton, tashmë në kuotën e 110 pikëve, ndërsa ndiqet nga gjermani i Ferrarit, Sebastian Vettel, me 96 pikë.
