Daniel Ricciardo nuk ndalet në Monaco, teksa ka siguruar edhe Pole position-in e parë sezonal, duke vendosur kohën më të shpejtë. Piloti australian i Red Bull ka lënë pas gjermanin e Ferrarit, Sebastian Vettel, që realizoi një xhiro mjaft të mirë, por që mbeti 0.229 sekonda pas Ricciardos.
Vetëm vendi i tretë për kampionin në fuqi dhe kryesuesin e këtij sezoni, Lewis Hamilton, ndërsa pas tij u rendit piloti tjetër i Ferrarit, Kimi Raikkonen.
Një fundjavë mjaft negative për Max Verstappen, që pas problemeve të djeshme në sezonin e tretë të provave të lira, nuk doli sot në kualifikuese, duke u detyruar të niset i fundit.