Një emër i ri për sulmin e Milanit, ka dalë në skenë gjatë ditës së sotme nga mediat sportive holandeze. Bëhet fjalë për sulmuesin e majtë holandez, Arnaut Danjuma Groeneveld, futbollist 22-vjeçar, që aktualisht është pjesë e klubit belg të Club Brugge.
Djaloshi i lindur në Lagos të Nigerisë, por me baba holandez, është rritur te të rinjtë e PSV Eindhovenit dhe për më tepër, ka luajtur edhe dy takime me përfaqësuesen holandeze.
Sipas mediave atje, Milani po negocion për një huazim me të drejtë blerjeje në fund të sezonit, të Groeneveld, për shumën e 10 milionë eurove. Aktualisht futbollisti është duke u rikuperuar nga një dëmtim që pësoi më 16 Tetor, në sfidën miqësore mes Belgjikës dhe Holandës, ku shënoi edhe një gol.