Connect with us

Hi, what are you looking for?

Kategoria Superiore

Rikthehet futbolli, Tirana nuk zhgënjen në Ballsh, paqe në sfidën për Europën

Pas thuajse tre muajsh ndërprerje, rikthehet futbolli në Shqipëri, teksa pasditen e sotme u zhvilluan 4 nga 5 ndeshjet e javës së 27 të Kategorisë Superiore, ndërsa gjithçka do të mbyllet me përballjen Partizani-Skënderbeu në mbrëmje.

Ndonëse me peripeci të shumta, të cilat nuk munguan as një orë para ndeshjes, ku inspektorë të Shëndetit Publik të Ballshit kërkuan të mos luhet sfida mes Bylisit dhe Tiranë, gjithçka vijoi sipas planit dhe vëmendja kaloi e gjitha në fushat e blerta.

Në “Adush Muça” të Ballshit, Tirana e nisi në mënyrën e duhur dhe arriti të marrë një fitore me rezultatin 1-3 dhe të vrapojë drejt titullit kampion, duke qenë se vijon të qëndrojë në krye të renditjes, me plot 9 pikë më tepër se Kukësit ndjekës.

Bardheblutë zhbllokuan sfidën me anë të Cobbinah, që u shkëput bukur në zonë dhe stopoi e gjuajti në mënyrë perfekte, duke dërguar sferën në rrjetë, ndërsa pak minuta më vonë ishte Batha që dyfishoi shifrat me anë të një penalltie të ekzekutuar saktë.

Në pjesën e dytë Bylisi provoi të rihapë takimin, pasi shënoi me anë të mesfushorit Peposhi, por vetëm pak minuta më vonë ishte kapiteni Gentian Muça që shtyu topin në rrjetë për herë të tretë dhe vulosi suksesin e bardhebluve.

Spektakël edhe në “Elbasan Arena” ku Kukësi vuajti jo pak për të marrë tre pikët ndaj Luftëtarit modest, ndërsa goli i fitores u shënua nga Kristal Abazaj vetëm në minutat shtesë të takimit. Verilindorët kaluan të parët në avantazh me anë të Gavazajt, por gjirokastritët befasuan në pjesën e dytë, duke rikthyer baraspeshën me anë të Mehmetit, që ekzekutoi saktë një penallti.

Kur dukej se gjithçka do të mbyllej në barazim, ishte Kristal Abazaj që shënoi pas një këmbënguljeje të gjatë të skuadrës së drejtuar nga Orges Shehi, ndërsa me këtë fitore Kukësi konfirmohet në vendin e dytë, por ende larg kreut.

Nuk pati fitues në sfidën për një vend në zonën Europiane, atë mes Laçit dhe Teutës, pasi dy skuadrat ndanë nga një pikë, falë barazimit 1-1. Kallaku shënoi golin e parë të rikthimit të ndeshjeve të Superiores, duke u dhënë avantazhin durrsakëve, ndërsa kurbinasit rikthyen baraspeshën me anë të Xhixhës.

Vuajti jo pak edhe Vllaznia në Vlorë përballë Flamurtarit, por ia doli të marrë një fitore 1-3 dhe të largohet momentalisht nga vendi i tetë i renditjes, që përkthehet në Play Out për të siguruar mbijetesën.

Pasa një pjese të parë pa gola, shkodranët zhbllokuan sfidën me anë të kapitenit Gilman Lika, që u tregua i saktë nga pika e penalltisë, ndërsa më vonë ishin Silvio Junior dhe sërish Lika, që vulosën suksesin. Nga ana tjetër vlonjatët u shfaqën të dorëzuar dhe me një këmbë në Kategorinë e parë, ndërsa golin e nderit e shënuan vetëm në sekondat e fundit të sfidës.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...