Josip Ilicic është rikthyer në vendlindje. Lojtari slloven u nda në muajin korrik me Atalantën, ekip ku kaloi pesë vite si protagonist, duke dhënë kontributin e tij me gola dhe asiste.
Në Bergamo humbi dy finale të Kupës së Italisë, ndërkohë që dy vite më parë ia doli të shkonte deri në çerekfinalet e Champions League me Atalantën, duke pësuar një eliminim të dhimbshëm nga francezët e PSG-së.
Kohët e fundit nuk kanë qenë shumë pozitive, Ilicic kaloi një periudhë depresioni, ndërkohë që ka firmosur deri në vitin 2025 me Mariborin, 16 herë kampionët e Sllovenisë, ekip ku u aktivizua përpara se të transferohej në Serie A në vitin 2010.
34-vjeçari luajti me Palermon, Fiorentinën dhe Atalantën në Itali, ndërkohë që me Kombëtaren e vendit të tij realizoi 16 gola në 80 ndeshje të zhvilluara.