Kristi Qose, me skuadër të re. Mesfushori 27-vjeçar, i cili numëron tri ndeshje me Kombëtaren Shqiptare, është zyrtarizuar te skuadra sllovake, Zemplín Michalovce. Në fakt, bëhet fjalë për një rikthim te kjo skuadër, pasi ka qenë pjesë e saj para thuajse gjashtë vitesh në formë huazimi nga PAOK-u i Selanikut.
Në njoftimin e klubit sllovak shkruhet:
“I lindur në qytetit të Bilishtit, u rrit duke luajtur futboll në klubet e Selanikut PAOK dhe Iraklis, prej nga mbërriti në Michaloviec për herë të parë në verën e vitit 2016. Gjatë huazimit të tij njëvjeçar, ai luajti 25 ndeshje për skuadrën verdheblu dhe ishte shtylla kryesore e skuadrës. Më pas ai u transferua te Ružomberok, ku qëndroi deri në dimrin e vitit 2020. Që atëherë, ai luajti për fqinjët tanë perëndimorë në Republikën Çeke, fillimisht në Karvina (deri në verën e 2022) dhe më pas për pak kohë në Pilsen.”
View this post on Instagram
