Rafael Nadal nuk luan një ndeshje tenisi prej raundit të dytë të Australian Open aty ku në sfidën me amerikanin Mackenzie McDonald pësoi një dëmtim muskulor në këmbën e majtë. Tenisti nga Mallorca vijon me fazën e rikuperimit ndërsa së fundmi flitej për një rikthim të 22-herë fituesit të titujve Grand Slam në turneun e Monte Carlos që do të zhvillohet nga data 8 deri më 16 prill.
Ky turne çel sezonin e ndeshjeve në fushat me dhé, terreni i preferuar nga Nadal. Mirëpo, së fundmi 36-vjeçari ul euforinë e tifozëve duke u shprehur për spanjollen “Marca” se nuk do të marrë pjesë në Monte Carlo dhe se ende nuk mund të flasë për një datë të sigurt rikthimi.
“Nuk e di si shpërndahen këto informacione të cilat flasin me siguri se unë do të marr pjesë në Monte Carlo. Nëse do të ishte e vërtetë nuk do ta kisha problem që ta konfirmoja, por fatkeqësisht nuk do të jem pjesë e këtij turneu. Unë vijoj me fazën e rikuperimit, po ndjek terapitë dhe të them të drejtën nuk e di se kur do të rikthehem të luaj. Kjo është e vërteta.
Lexo edhe:
VIDEO/ Vendos goli i Swiderskit, Sylvinho debuton me humbje te Shqipëria
Cikalleshi: Keqardhje për golin, kjo Kombëtare i bëri shqiptarët të ndihen mirë
Gjasula: Ishim pa fat, jam shumë optimist për të ardhmen
VIDEO/ Lojtarët e Perusë përleshen me policinë spanjolle, arrestohet portieri i kombëtares!
Jam në një fazë ku e kam rritur punën në stërvitje, por nuk jam gati për ndeshje. Nëse do ta dija me siguri kohën e rikthimit do të flisja, por unë nuk mund të konfirmoj asgjë në këtë moment. Nuk e konfirmoj pjesëmarrjen në Monte Carlo, duhet t’i marr etapat me rradhë. Dhe, preferoj të flas vetëm kur ka diçka të sigurt”, u shpreh Rafa.
Synimi i vërtetë i Nadal është rikuperimi në kohë për turneun kryesor të fushave me dhé, Roland Garros që zhvillohet në Paris në fundin e muajit maj. Kujtojmë se spanjolli është rekordmeni absolut i këtij turneu me 14 tituj të fituar.
