Eric Maxim Choupo-Moting po shijon momentin e tij te Bayern Munchen. Titullar, gola, fitore dhe kontratë e re. Sulmuesi kamerunas ndodhet në formë shumë të mirë sportive.
Deri në këtë fazë të sezonit ka shënuar 15 gola në të gjithë kompeticionet. Ndërkohë, ditën e premte ai rinovoi kontratën deri në verën e vitit 2024.
https://twitter.com/i/status/1631684184933650432
“Jam shumë i lumtur që do të vijoj të jem pjesë e Bayernit dhe të zbavitem pafund në këtë klub. Unë dhe familja ime ndihemi shumë rehat në Mynih.
Ky aspekt ka rëndësi të madhe për mua. Sigurisht që jam gjithashtu i lumtur që mund të ndihmoj skuadrën. Shkoj shumë mirë me shokët.
Ne po punojmë fort për të realizuar objektivat tona. Konkurrenca është shumë e egër, por kështu duhet të jetë nëse dëshiron të jesh pjesë e më të mirëve.
LEXO EDHE:
- Të shtëna dhe mesazh kërcënues për Messin më Argjentinë
- Edi Reja rikthehet në pankinë, firmos me klubin e njohur slloven
- Commisso tallet me Juven: Tani kemi dy sulmues dhe 70 milionë euro më shumë
- Interi përgatit revolucionin, vetëm 7 lojtarë të sigurt për sezonin e ri
Kjo është e vetmja mënyrë për të fituar shumë tituj e trofe”, deklaroi 33-vjeçari pas firmës mbi kontratën e re. I gëzuar u shfaq edhe Hasan Salihamidzic, drejtori sportiv i bavarezëve.
“Ne jemi shumë të lumtur që Eric do të qëndrojë me ne edhe një vit. Ai është një lojtar i fortë. Ka luajtur shumë mirë vitet e fundit. Në gjysmën e parë të sezonit ai na ndihmoi të plotësojmë boshllëkun që kishim përpara. Ai është një artist i topit”.
