Marc Marquez dhe Honda zgjasin bashkëpunimin mes tyre. Tashmë është zyrtare, kampioni në fuqi i botës në Moto Gp ka zgjatur edhe me vite të tjera marrëveshjen aktuale me skuadrën japoneze dhe do të qëndrojë te Repsol Honda deri në përfundim të vitit 2020. Lajmi është bërë publik nga vetë Marquez në profilin e tij në “Twitter”. Do të vazhdoj deri në 2020-ën me skuadrën e ëndrrave të mija, faleminderit të gjithë familjes Honda, do të jap gjithmonë 100% tim”, shkruan Marc në “Twitter”. Piloti i cili pak ditë më parë, festoi 25-vjetorin e lindjes, është pjesë e Hondës zyrtare që prej vitit 2013-të. Në 5 sezone me skuadrën japoneze në Moto Gp, Marquez ka kaluar çdo pritshmëri mbi të duke fituar 4 tituj kampion në klasin mbretëror dhe nëse vazhdon me këto ritme gjasat janë që djaloshi i lindur në Cervera të shndërrohet në pilotin më fitues të të gjitha kohërave në këtë sport.