Giorgio Chiellini iu nënshtrua një ndërhyrjeje kirurgjikale në gju ditë ne djeshme në klinikën austriake Hochrum, në Innsbruckut, teksa dëmtimi në ligamentet e gjurit pritet ta mbajë jashtë fushave për të paktën 6 muaj.
Megjithatë ditën e sotme në klinikën austriake Chiellinit i është bashkuar një tjetër futbollist, rival në sa e sa ndeshje të kampionatit italian, sulmuesi i Cagliarit, Leonardo Pavoletti, i cili kreu një ndërhyrje të ngjashme në orët e paradites.
Ka qenë pikërisht agjencia që menaxhon të drejtat e sulmuesit sard që ka postuar një foto me Chiellinin si vizitor në dhomën e Pavolettit, të cilën e ka shoqëruar edhe me mesazhin: Nuk ndalen së qeshuri as në momentet më të vështira. Ky është shpirti i duhur”.