Connect with us

Hi, what are you looking for?

Lajme

River Plate dhe Boca Juniors në Spanjë, Madridi në alarm

Akti i dytë dhe i fundit i finales së Copa Libertdores mes River Plate dhe Boca Juniors po troket. Pas rrëmujës së shkaktuar nga tifozët e “millonarios”, të cilët sulmuan autobusin e ekipit kundërshtar vetëm pak orë para se të zhvillohej ndeshja e kthimit në “Monumental”, më 24 nëntor (takimi u shty), dy ekipet rivale të përjetshme të kryeqytetit argjentinas do të zbresin të dielën në “Santiago Bernabeu” në një duel të ethshëm, që do të përcaktojë fituesin e trofeut, teksa përballja e parë në “Bombonera” përfundoi në barazim 2-2.

River Plate dhe Boca Juniors zbarkuan në Madrid të mërkurën, “Xeneizes” pasdite, ndërsa “millonarios” pak para mesnatës. River Plate do t’i zhvillojë seancat e fundit stërvitore në Valdebebas, qendrën stërvitore të Realit, ndërsa Boca Juniors në qendrën sportive të Federatës Spanjolle të Futbollit, në Las Rozas.

Deri të dielën, kryeqyteti i Spanjës, Madridi, do të jetë i blinduar nga forcat e rendit, për të shmangur përplasjet e mundshme mes tifozërive, që të mos përsëritet ajo që ndodhi në Buenos Aires. Pak orë pas nisjes së Bocas drejt Spanjës, stadiumi “Bombonera” u evakuua pas një alarmi për bombë, që rezultoi i rremë.

Autoritet spanjolle kanë kthyer mbrapsht Maxi Mazzarro, një nga udhëheqësit kryesorë të grupit famëkeq ultras “Barrabravas”, duke e bllokuar sapo zbarkoi në aeroportin “Barajas”. Gjatë orëve në vazhdim pritet të mbërrijnë në Spanjë edhe Rafa Di Zeo dhe Mauro Martin, dy liderët e tjerë të ashtuquajturit grupi “12”, të cilët janë pajisur me vizë, pavarësisht vendimit për të mos i lejuar që të hyjnë në “Santiago Bernabeu”. Është rritur në Madrid niveli i alarmit, pas lajmit për binjakëzimin e utrasve të River Plate me ata të Rayo Vallecanos (Los Bukaneros). Në Buenos Aires, ndërkohë, vijojnë arrestimet në lidhje me incidentet e 24 nëntorit.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...