Riyad Mahrez nuk ka dyshim për aftësitë e tij dhe është gati të tregojë vlerat për t’u bërë një lojtar i pazëvendësueshëm për Manchester City-n.
Në pjesën e dytë të sezonit, Guardiola preferonte Bernardo Silvan në vendin e algjerianit, për të cilin u rikthyen zërat e merkatos, por 28-vjeçari u shpreh me bindje se është i lumtur me “Citizens” dhe se nuk ka ndërmend të largohet, edhe pse nuk ka luajtur rregullisht.
Ai shtoi se do të punojë më shumë që të bindë Guardiolën dhe të tregoj vlerat e vërteta në sezonin e dytë me kampionët e Anglisë.
