Pasi i dha lamtumirën kombëtares holandezë, në ndeshjen ndaj Suedisë, kur humbën edhe mundësinë e kualifikimit në botëror, Arjen Robben rrezikon të largohet edhe nga Bayerni i Mynihut, në fund të sezonit. Holandezit i skadon kontrata me bavarezët, në qershor të 2018-ës, ndërsa deri tani ende nuk kanë nisur diskutimet për rinovimin e saj.
“Shoqëria nuk ka folur ende me mua, por mund të them se nuk kam frikë të rinovoj. Ndihem në formë të mirë dhe mendoj vetëm të luaj futboll. Besoj se është ende e largët dita kur do t’i jap lamtumirën fushave të lojës’, tha holandezi.
Drejtuesit e Bayernit nuk kanë diskutuar për rinovimin e Robben, sepse ia kanë lënë trajenrit të ri vendimin për të mbajtur ende në ekip holandezin apo jo, ndërsa Heynckes pritet të japë verdiktin e tij, në fillim të vitit të ardhshëm.