Arjen Robben nuk ka ndërmend të tërhiqet nga futbolli i luajtur. Edhe pse në muajt e fundit u fol shumë për një lamtumirë të holandezit nga futbolli në fund të këtij sezoni, Robben i ka mohuar këto zëra. I rikthyer në fushë pas plot 161 ditësh në sfidën mes Bayern dhe Hannover 96, Robben u prit me duartrokitje të mëdha në Allianz Arena, gjithsesi holandezi do të largohet nga bavarezët në fund të këtij sezoni. Në një intervistë pas ndeshjes ndaj Hannover, 35-vjeçari nënvizoi se ndihet i privilegjuar që për të interesohen kaq shumë skuadra, megjithatë objektivi i Robben për momentin ëshjtë të rifitojë formën e tij optimale pas dëmtimit ndërsa shtoi:” Ajo që mund të them tani është që e dashuroj futbollin dhe nuk dua të ndalem së luajturi”.
