Connect with us

Hi, what are you looking for?

Tenis

Roger Federer fiton Masters-in e Miamit, mposht Isner në finale

Roger Federer triumfoi në Mastersin e Miami-t, duke mundur thjesht dhe pa shumë vështirësi gjigantin amerikan John Isner. Më 23 mars tenisti zviceran ishte shumë pranë disfatës me tenistin Radu Albot, megjithatë pas humbjes së setit hapës në takimin me tenistin moldav Roger, fitoi 6 ndeshje radhazi, madje pa humbur asnjë set.

Ishte finalja e 50 në karrierë përsa i përket turneve Masters, për numrin 5 të botës, praktikisht një finale pa histori, sepse 37-vjeçari nga Bazeli fitoi shortin dhe preferoi për t’ia lënë shërbimet pikërisht tenistit nga Shtetet e Bashkuara. 34-vjeçari nga Karolina e Veriut u paraqit në finale pa humbur asnjë set, për më tepër duke fituar 9 nga 10 setet e luajtur me tie break, sidoqoftë Roger Federer këtë herë nuk i dha asnjë mundësi dhe dominoi nga fillimi në fund setin e parë.

Fillimisht John Isner anuloi dy mundësi për break në game-n hapës në shifrat 15-40, megjithatë pas barazimit veterani helvet mori dy pikë rresht, për t’u shkëputur më pas 2-0. Tenisti amerikan kishte fituar në Paris-Bercy përballjen e fundit ndërmjet tyre në turnetë ATP, gjithsesi këtë radhë Federeri u tregua i pamëshirshëm, duke e thyer plot tre herë në servis numrin 9 të botës, për të mbyllur llogaritë e setit të parë në vetëm 24′ gjithsej.

Në setin e dytë kampioni në fuqi i Mastersit të Floridas u përmirësua në servis dhe pavarësisht se kërkoi dy herë ndihmën e fizioterapistit gjithcka shkoi sipas shërbimit deri në game-n e dhjetë. Pikërisht në këtë game problemet e gjigantit amerikan u theksuan akoma më shumë dhe Roger Federer përfitoi pa u sforcuar aspak, për të mbyllur gjithë takimin me rezultatin 6-1, 6-4, në diçka më tepër se një orë lojë. 12 muaj më parë Isner në Key Biscane siguroi suksesin më të madh në karrierë, duke thyer në tre sete gjermanin Alexander Zverev, megjithatë këtë radhë raketa e parë e tenisit amerikan u duk i pafuqishëm dhe i çarmatosur përballë lojës së tenistit zviceran, që pas triumfit në Dubai koleksionoi edhe një tjetër pikërisht në Stadiumin Hard Rock, në Miami Gardens, ku edhe u mbajt turneu edicionin e sivjetshëm, për t’u bërë njëherësh edhe i pari tenist që siguron dy turne të fituar në tre muajt e parë të vitit 2019.

Roger që dy javë më herët u mund në finalen e Indian Wells-it nga austriaku Dominic Thiem, të hënën në mesditë do të këmbejë pozicionet pikërisht me tenistin nga Wiener Neustadt, për t’u rikthyer si numri 4 i botës, ndërkaq John Isner pavarësisht se humbi 400 pikët e finales do të ruajë statusin e tij aktual si tenist i dhjetëshes së parë të botës në klasifikimin e përgjithshëm ATP. Mastersi i radhës do të zhvillohet në mesin e muajit prill dhe bëhet fjalë për turneun e Montecarlos, në fushat me dhe, ndërkaq ky ishte trofeu i 28 Masters për tenistin helvet, për më tepër në moshëm 37 vjeç e 8 muaj, një rekord padyshim, duke u ngjitur në këtë mënyrë në kuotën 101 turne të fituar gjithsej në karrierë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...