Kalimi i Edinson Cavani te Boca Juniors është një ëndërr që mund të realizohet në fund të sezonit, kur lojtarit i skadon kontrata me Manchester United. Ai që e thërret ish-lojtarin e Napolit në Argjentinë është Marcos Rojo, ish-shoku i tij te “Djajtë e kuq”, por që aktualisht luan te Xeneizes. Rojo deklaroi se bisedon shpesh me Cavanin dhe se i ka premtuar atij se do ta çojë të peshkojë. Ai theksoi se 34-vjeçarit i pëlqen ideja që të transferohet te Boca Juniors dhe se është i interesuar, por Rojo pohoi se asgjë nuk është zyrtare dhe se duhet pritur deri në fund të kampionatit për të kuptuar se çfarë do të ndodhë.
