Asnjë surprizë në raundin e dytë të Roland Garros. Rafael Nadal dhe Roger Federer kaluan pa vështirësi në raundin e tretë ndërsa për më tej u kualifikuan edhe emra të tjerë të rëndësishëm si Tsitsipas, Nishikori, Goffin e Wawrinka. U eliminuan dy francezët Gasquet e Tsonga të cilët gjithsesi nuk bëjnë pjesë më në listën e tenistëve më të mirë të botës pasi kanë rrëshkitur shumë poshtë në renditjen e përgjithshme të ATP. Vetëm 7 game humbi në total mbreti i Roland Garros, Rafa Nadal në sfidën e tij përballë gjermanit Maden të cilin e mposhti në 3 sete. Me të njëjtin rezultat fitoi edhe Roger Federer ndaj një tjetër gjermani numrit 144 të turneut Oscar Otte.
Te femrat, ish-numri 1 në botë, tenistja spanjolle Garbine Muguruza, fitoi 2-0 me shifrat 6-4 6-1 ndaj Johanna Larsson, ndërsa çekja Karolina PliSkova mundi po 2-0 serben Kristina Kucova (6-2 6-2). Mirë u paraqitën edhe tenistja amerikane Sloane Stephens (2-0 ndaj Sara Sorribes) si dhe belgia Elise Mertens (2-0 ndaj Diane Parry). Më tej avancon edhe tenistja ukrainase Elina Svitolina, që përfitoi nga tërheqja e rivales së saj.