Roma bëhet më e pasur falë “Qatar Airways.” Pas 5 vitesh pa një sponsor kryesor në fanellat verdhekuqe, vjen marrëveshja e re, një nga më të rëndësishmet në Serinë A. De Rossi me shokë do të mbajnë në uniformat e tyre emrin e sponsorit kryesor “Qatar Airways” deri në fund të sezonit 2020-2021.
“Ky lajm vjen në një moment shumë domethënës për klubin si brenda dhe jashtë fushës”, – deklaroi presidenti James Pallotta. Debutimi i fanellës me emrin e sponsorit kryesor do të ndodhë pikërisht në “Anfield”, kundër Liverpoolit. Kjo marrëveshje e re e Romës me “Qatar Airways” do t’i sgurojë klubit kryeqytetas në total 40 milionë euro.
