Skuadra e Romës mbërrin në aeroportin “Nënë Tereza” në Rinas. Charteri me të cilin udhëtuan verdhekuqtë nga “Fiumicino” u ul në pistën e Rinasit dhe pas kryerjes së procedurave të rastit delegacioni i klubit italian u nis menjëherë drejt Mak Albania Hotel (ish-Shertaton), ku ekipi roman do të akomodohet gjatë dy ditëve qëndrimi në Shqipëri.
Pasi zbriti nga avioni, delegacioni i Romës lëvizi drejt Tiranës me autobusin që mbërriti nga kryeqyteti italian një ditë më parë nëpërmjet portit të Durrësit.
Rreth orës 17:30, verdhkuqtë do të zbresin në stadiumin “Air Albania”, jo për t’u stërvitur, por thjesht për t’u njohur me terrenin e impiantit të finales.
