Pas prezantimit plot zhurmë të Paulo Dybalas, Roma nuk ka ndërmend të ndalet. Objektivi i radhës është Georginio Wijnaldum, mesfushori holandez i PSG-së. Negociatat janë duke ecur mirë dhe ka shumë gjasa që të mbyllen së shpejti. Vetë futbollisti duket se është i gatshëm të pranojë uljen e pagës (përfiton 9 milionë euro) për t’u transferuar në Itali.
Hipoteza në tavolinë është ajo e huazimit me të drejtë blerjeje, që mund të kthehet në detyrim duke filluar nga viti 2023, duke e lidhur me një bonus lehtësisht të arritshëm.
Pëlqimi i dhënë nga Wijnaldum në postimin për prezantimin e Dybalas është një sinjal shumë i fortë se ku dëshiron të luajë vitin e ardhshëm.
Të gjitha këto lëvizje, që e rritin potencialin e Romës në Serinë A, po shtyjnë edhe Zaniolon drejt qëndrimit në kryeqytet. Ftohja e negociatave me Juventusin e bën shumë të vështirë të mendosh se “xhevahiri” vedhekuq mund të ndryshojë fanellë në këtë pikë.
