Roma vijon paraqitjet e mira në fushën e lojës, ku krahas kampionatit, këtë sezon po tregon se është e aftë të përballet edhe me ekipet në Champions.
Nga ana tjetër, drejtuesit e klubit po vijojnë punën për t’i krijuar kushte sa më të mira Di Francescos dhe një organikë sa më të plotë. Kështu krahas emrave të piketuar për t’u afruar në merkato, verdhekuqtë po mendojnë edhe për rinovimin me futbollistët aktualë.
Pas Nainggolanit, që rinovoi në ditët e fundit të gushtit, tani është radha e mbrojtësit grek Kostas Manolas, kontrata e të cilit skadon në verën e 2019-ës. Manolas ëshët një titullar i padiskutueshëm i verdhekuqve prej 3 sezonesh dhe drejtuesit e Romës nuk duan të privohen nga shërbimet e tij, ndaj janë gati t’i rritin të ardhurat dhe të zgjatin bashkëpunimin deri në vitin 2022.