Rama tregon “muskujt” në ndeshjen e parë në grupe të Europa League-s përballë Basaksehirit në “Olimpico”. Caicara realizoi autogol në pjesën e parë, ndërsa gjatë 45 minutave të dyta realizuan Dzeko, Zaniolo dhe Kluivert. Një provë forcë kjo për verdhekuqtë nën drejtimin e Fonsecas. Surprizën në Grupin J e bëri Wolfsberger, që fitoi 0-4 në fushën e Wolfsburgut.
Manchester United rrezikoi shumë përballë Astanas, që u mposht me rezultat mininal 1-0 (realizoi për “Djajtë e Kuq” 17-vjeçari Greenwood) në “Old Trafford”. Jesse Lingard goditi shtyllën pak minuta pas golit të vetëm të ndeshjes, me United që ishte i detyruar të luante nën presion në minutat e fundit. Sfida tjetër e Grupit L mes Partizanin të Beogradit dhe Alkmaarit përfundoi 2-2.
Porto fitoi 2-1 me Young Boys në Grupin G me të tre golat të shënuar brenda gjysmë ore lojë. Soares kaloi në epërsi Porton në minutën e 8-të, por skuadra zvicërane reagoi shpejt, duke barazuar me Nsame me 11-metërsh. Gjithsesi, autori i golit të parë shënoi të dytin personal dhe të fitores për skuadrën e tij në minutën e 29-të, me rezultatin që nuk ndryshoi më në minutat në vazhdim. Po në këtë grup Rangers mposhti 1-0 Feyenoordin.
Rezultatet:
AS Roma – Basaksehir 4-0
Monchengladbach – Wolfsberger AC 0-4
Espanyol-Ferencvaros 1-1
Porto-Young Boys 2-1
Gent-St. Etienne 3-2
Ludogorets-CSKA Moskë 5-1
Manchester United-Astana 1-0
Partizan Beograd-AZ Alkmaar 2-2
Rangers-Feyenoord 1-0
Slovan Bratislava-Besiktas 4-2
Wolfsburg-Oleksandria 3-1
Wollverhempton-S. Braga 0-1
Strakosha pëson 2, Lazio dështon ndaj Cluj, Arsenali “leksion” Eintrachtit
