Connect with us

Hi, what are you looking for?

Europa League

Roma triumfon ndaj Ajaxit, Arsenal “ngec” në shtëpi, Man. United prek gjysmëfinalet

Roma është skuadra e vetme që po mundohet të ruajë nderin italian në Europë dhe mbrëmjen e sotme mori një fitore me mjaft vlera 1-2 me përmbysje ndaj Ajaxit në “Johan Cruyff Arena” të Amsterdamit.

Verdhekuqtë vuajtën jo pak në këtë takim, pasi në minutën e 24-t panë t’u dëmtohej anësori titullar Spinnazzola, ndërsa më pas ishte Klaassen, që pas një asisti të serbit Tadiç, shënoi duke i dhënë avantazhin Ajaxit.

Në minutën e 53-të serbi Tadiç shpërdoroi një mundësi të artë për të dyfishuar shifrat, pasi humbi një 11-metërsh, që u kthye në burim force për Romën, e cila riktheu baraspeshën vetëm 4 minuta më vonë me kapitenin Lorenzo Pellegrini.

Tre minuta para fundit të lojës ishte mbrojtësi Brazilian Ibanez që shënoi golin e fitores për verdhekuqtë, të cilët tashmë hedhin një hap shumë të rëndësishëm drejt gjysmëfinaleve të Europa Leagues.

Zhgënjen në sfidën e parë çerekfinale Arsenali, që nuk shkoi përtej barazimit 1-1 ndaj Slavias së Pragës. Topçinjtë e Mikel Artetës zhbllokuan sfidën në minutën e 86’ me anë të Nicolas Pepe, por miqtë barazuan në shtesë me Holes, ndërsa kualifikimi është shtyrë për në ndeshjen e kthimit në Çeki.

Me një këmbë në gjysmëfinale është edhe Manchester United, që triumfoi me rezultatin e pastër 0-2 në transfertën ndaj spanjollëve të Granadës. Marcus Rashford në pjesën e parë dhe Bruno Fernandes me penallti afër fundit, ishin autorët e golave për “djajtë e kuq”.

Në sfidën e fundit të mbrëmjes, skuadra e vetme ballkanase në çerekfinale, Dinamo e Zagrebit u mposht me rezultatin minimal 0-1 nga spanjollët e Villareal, falë një goli të Morenos në minutën e 44-t të pjesës së parë.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...