Alessandro Florenzi vazhdon të mbetet objektiv primar i Valnecias në këtë merkato janari. Klubi spanjoll kërkon të përforcojë mbrojtjen dhe 28-vjeçari i Romës është alternativa që bind më shumë trajnerin Albert Celades për repartin e prapavijës.
Drejtuesit e klubit nga “Mestalla” i kanë prezantuar një ofertën verdhekuqve për kartonin e mbrojtësit, por, për momentin, nuk bëhen të ditura shifrat. Gjithashtu, spanjollët kanë diskutuar edhe me agjentët e futbollistit dhe gjatë ditëve në vijim pritet që tratativa mes palëve të mbyllet me sukses, pasi edhe dëshira e Florenzit është që të transferohet në një skuadër ku mund të luajë rregullisht për të fituar një vend te Italia në “Euro 2020”.