Cristiano Ronaldo mund të martohet së shpejti me Georgina Rodriguez. Sipas asaj që është raportuar nga gazeta portugueze “Correio da Manha”, “ylli” i Juventusit, që ishte së fundi në Londër për të festuar ditëlindjen e parë të vajzës së tij, Alana Martina, ka shfrytëzuar rastin për t’i bërë propozimin e madh modeles spanjolle.
“Po” e Rodriguez, e dashura e Ronaldos prej dy vitesh, ishte e menjëhershme. Modelja, madje, thuhet se ka filluar t’i provojë veshjet e dasmës gjatë qëndrimit të shkurtër në Londër. Kujtojmë se dashuria mes Ronaldos dhe Georgina Rodriguez ka nisur në vitin 2016.
Të dy janë njohur në një “party” të organizuar nga “Dolce & Gabbana” dhe pastaj u “arratisën” për disa ditë në “Disneyland” të Parisit, ku u “kapën mat” nga paparacët. Në nëntor 2017, çifti solli në jetë vajzën e parë, Alana Martina, e cila për Ronaldon është fëmija i katërt, pas Cristiano Jr. dhe binjakëve Eva dhe Matteo, të gjithë të lindur nga nëna “surrogate”.