Cristiano Ronaldo po kalon orët e fundit si lojtar i Realit të Madridit. Shumë shpejt pritet të arrihet marrëveshja mes Los Blancos dhe Juventusit për kalimin e CR7-ës në Allianz Stadium. Për ta bërë akoma edhe më të besueshëm këtë transferim ka menduar agjenti i Ronaldos, Jorge Mendes. Ky i fundit ka folur për gazetën portugeze Record duke dhënë sinjale të rëndësisshme për të gjithë popullin bardhezi dhe duke bërë me dije se largimi i 33-vjeçarit nga Reali është shumë afër.
“ Nëse Cristiano Ronaldo do të largohet nga Reali i Madridit do t’i jetë përjetësisht mirnjohës klubit, presidentit, stafit mjekësor dhe të gjithë madridistëve nëpër botë. Nëse kjo do të ndodhë ai do ta bëjë për një tjetër etapë brilante në karrierën e tij”.
Fjalë mëse të qarta ato të Jorge Mendes me Ronaldon që tashmë është vetëm një hap larg transferimit te Juventusi për shumën e 100 milionë eurove.