Cristiano Ronaldo nuk është më një opsion për Chelsean. Portugezi kishte vlerësimin e presidentit të ri, Todd Boehly i cili kërkonte me çdo kusht një investim prestigjioz në nisjen e epokës së re në drejtimin e “Bluve të Londrës”, mirëpo ndryshe mendon trajneri Thomas Tuchel.
Gjermani ka pasur lirinë për të vendosur dhe së fundmi i ka kthyer përgjigjen përfundimtare, Boehlyt duke e bërë të qartë se në skuadrën e tij nuk ka vend për CR7. Në këtë formë, e ardhmja e 37-vjeçarit mbetet në “ajër” pasi sulmuesi kërkon me patjetër të largohet nga Manchester United në një klub i cili i garanton pjesëmarrjen në Champions League.
Së fundmi, Ronaldos i ka mbërritur një ofertë nga Arabia Saudite. Bëhet fjalë për një ofertë marramendëse nga e cila ylli portugez do të përfitonte shifrën prej 250 milionë eurosh në vetëm dy sezone. Mbetet për t’u parë në vijim se çfarë rruge do të marrë karriera e Ronaldos i cili nga ana tjetër ka edhe një interesim nga ana e Romës.