Pas plot 27 javësh dhe me Cristiano Ronaldon në shtëpi, vjen më në fund momenti që Juventusi të pësojë humbjen e parë kampionat. Bardhezinjtë u mposhtën me rezultatin 2-0 në “Marassi” përballë Genoas, në një sfidë mjaft interesante, fati i të cilës u vendos në pjesën e dytë.
Ish mesfushori i Juventusit, Stefano Sturaro ishte ai që kaloi në avantazh kuqeblutë në minutën e 72-të, ndërsa në të 81-tën, ishte Goran Pandev që dyfishoi shifrat.
Megjithatë, më shumë se humbja ,shqetësuese për skuadrën e Allegrit është fakti që nuk arriti të gjuajë asnjëherë në kuadratin e portës kundërshtare.
Kjo pasi llogaritë për titullin janë në rregull, sepse të besuarit e Allegrit kanë nevojë për vetëm 5 fitore deri në fund, që të shpallen kampionë për herë të 8 radhazi në kampionatin italian.