Connect with us

Hi, what are you looking for?

Merkato

Ronaldo refuzon ofertën e Man. United, e ardhmja duket e paqartë

E ardhmja e Cristiano Ronaldos është shndërruar në një rebus, pasi sulmuesi portugez duket se dëshiron të largohet nga Torino, por momentalisht asnjë nga skuadrat që kanë shfaqur interes për të, nuk duket e bindur të ofrojë shifra bindëse për shërbimet e tij.

Klube si Real Madrid, Paris Saint Germain dhe Manchester United janë në listën e pretendentëve për portugezin, por sipas mediave spanjolle, “djajtë e kuq” janë tërhequr, pasi nuk kanë arritur marrëveshjen ekonomike me CR7-ën.

Klubi anglez ka qenë i gatshëm të ofrojë një pagë prej 17 milionë eurosh në sezon për të rikthyer Ronaldon në “Old Trafford”, megjithatë kjo shifër është thuajse sa gjysma e pagës aktuale që portugezi merr te Juve, ndaj edhe ka refuzuar.

Sa i përket Realit të Madridit dhe PSG-së, të dy klubet kanë prioritet emra të tjerë futbollistësh dhe Ronaldo është vetëm një plan B, ndaj gjasat më të mëdha janë që ylli portugez të qëndrojë edhe një vit te Juventusi, për t’u larguar më pas verën e ardhshme me parametra zero.

Pikërisht situata aspak e qartë për të ardhmen ka bërë që Ronaldo të shfaqet i nervozuar edhe në fushën e lojës javët e fundit, teksa pas ndeshjes me Genoan flaku fanellën, ndërsa ndaj Atalantës është lënë jashtë grupit nga trajneri Pirlo, zyrtarisht për probleme fizike, por nuk përjashtohet as një farë ndëshkimi në heshtje për gjestin e një jave më parë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...