Real Madridi ka marrë fitoren e tretë radhazi në kampionat, pasi mposhti jo pa vështirësi Getafen në transfertë. Skuadra e Zidanes kaloi në avantazh me anë të sulmuesit francez Benzema, i cili shënoi në minutën e 40-të, pasi shfrytëzoi një kthim të gabuar të topit nga ana e mbrojtjes. Getafe barazoi në minutën e 56-të me anë të Molinas, por Cristiano Ronaldo shënoi 5 minuta nga fundi dhe i dha 3 pikët madrilenëve.
Pas kësaj fitoreje, Reali ngjitet në vendin e dytë me 17 pikë në 8 takime. Renditja kryesohet nga Barcelona me 21 pikë, e cila do të luajë në mbrëmje ndaj Atletico Madridit.