Odise Roshi e quan pozitiv lojën e Shqipërisë në barazim 0-0 në miqësoren e luajtur ndaj Gjeorgjisë në “Air Albania”. 30-vjeçari u ndal edhe te skema taktike në prononcimin për Supersport, duke treguar se ku ndihet më mirë.
“Ishte një ndeshje shumë e mirë, e dominuam lojën, por Gjeorgjia ka ekip të fortë, ata janë agresivë dhe të fortë fizikisht. Kishim shumë raste, ishte një atmosferë e bukur, të gjithë donim fitore. Jemi të mërzitur.
Skema? Të gjithë e dinë që unë përshtatem më mirë me 4-4-2 ose 4-3-3, por do të jap maksimumin në çdo skemë. Ishte një ndeshje pozitive. Ne duhet t’i besojmë trajnerit.
Sot u provuan disa lojtarë, Asllani bëri një paraqitje të mirë, njësoj si Çekiçi dhe Ramadani. Skemën e vendos trajneri, pothuajse gjithmonë kemi luajtur me skemën 3-5-2”, deklaroi anësori i djathtë.
[quiz-cat id=”297576″]