Valentino Rossi fiton betejën më të rëndësishme deri tani në jetë atë me COVID-19. Që prej 15 tetorit Doktori qëndronte në karantinë pasi ishte infektuar nga koronavirusi, duke humbur edhe 1 garë të Moto Gp, por së fundmi italiani e ka mposhtur COVID-19. Piloti italian i garave të shpejtësisë, 9 herë kampion bote, ka dalë negativ, duke marrë më në fund përgjigjen që priste prej një kohe të gjatë.
41-vjeçari ka fluturuar menjëherë drejt Valencias, aty ku do të mbahet Çmimi i Madh këtë fundjavë. Edhe tamponi i kësaj të premteje doli negativ, kështu që Rossi mund të garojë në pistë, të dielën. Në këtë sezon të Moto Gp, Valentino Rossi pozicionohet në vendin e 15-të të klasifikimit të përgjithshëm me 58 pikë të grumbulluara.