MotoGP

Rossi: Këmba është ok, nuk e di nëse do më kërkojnë të ndihmoj Vinales

Valentino Rossi është riaftësuar plotësisht nga dëmtimi që pësoi disa javë më parë dhe në Motegi do të kërkojë maksimumin. Në garën e Japonisë që do të zhvillohet këtë fundjavë e 4-ta nga fundi në Botërorin e MotoGp, veterani Italian është optimist se do të bëjë një figurë të mirë pasi nuk ndien më dhimbje në këmbë. I pyetur nëse do të ndihmojë shokun e tij të skuadrës te Yamaha , spanjollin Maverick Vinales i cili, 4 gara përpara fundit pozicionohet 28 pikë pas Marquez në klasifikimin e përgjithshëm dhe është ende në garë për titullin Botëror, Rossi deklaroi: “ Është një situatë interesante por edhe e çuditshme, të shohim se çfarë do të vendosin Yamaha, Ducati e Honda dhe nëse do të na kërkojnë mua, Jorges dhe Danit, t’u japim një dorë shokëve të skuadrës që luftojnë për titullin, mbase mund ta ndihmoj”.

To Top