Stadiumi “Roza Haxhiu” i qytetit të Lushnjës, shumë shpejt do t’u bashkohet impianteve shqiptare me infrastrukturë cilësore, cka ndikon në rritjen e nivelit të lojës në ndeshjet të Kategorisë Superiore. Punimet në këtë stadium, po vazhdojnë me ritme të kënaqshme, ndërsa dyert për tifozët mendohet të hapen në fillim të tetorit.
Pas instalimit të barit natyral, punimet vazhdojnë kryesisht në tribunat e stadiumit dhe në ambientet e brendshme.
FSHF ka investuar në furnizimin dhe vebdosjen e tapetit me bar natyral me një vlerë rreth 50 mijë euro, ndërsa bashkia e qytetit të Lushnjes po investon në përmirësimin e infrastrukturës së stadiumit, për të arritur standartet e kërkuara për Kategorinë Superiore.
Një lajm shumë i mirë ky për skuadrën e sapongjitur në elitën e futbollit shqiptar, pasi nga ndeshjet brenda të kampionatit Lushnja nuk do të zhvillojë në Roza Haxhiu vetëm tre takime, premierën me Vllazninë, sfidën e javës së tretë me Kamzën dhe përplasjen e javës së 5-të me Kukësin. Nëse gjithcka shkon sipas parashikmeve formacioni i Banos do të mund ta ndjejë mbështetjen maksimale të tifozëve vendas në javën e 7-të me Lacin.
